ШШГЕГ

Шуурхай мэдээ

ШҮҮХИЙН ШИЙДВЭР ГҮЙЦЭТГЭХ БАЙГУУЛЛАГЫН “100 САЯ МОД ТАРИХ ХӨТӨЛБӨР” АМЖИЛТТАЙ ХЭРЭГЖИЖ БАЙНА
“АЛБАНЫ ТӨЛӨӨ” ЦУВРАЛ НЭВТРҮҮЛЭГ: Цагдан хорих 461 дүгээр хаалттай ангийн эмч, ахлах дэслэгч С.Лхагвабаяр
Г.ГАНБОЛД: АХМАД НАСТНУУД БАЙГУУЛЛАГА МААНЬ НАМАЙГ “МАРТААГҮЙ” ЮМ БАЙНА ГЭЖ БОДОЖ, УРАМ ЗОРИГ, ЭЕРЭГ ЭНЕРГИЭР ЦЭНЭГЛЭГДЭЖ БАЙДАГ
“ШҮҮХИЙН ШИЙДВЭРИЙН БИЕЛЭЛТЭД НӨЛӨӨЛЖ БУЙ ХҮЧИН ЗҮЙЛС, ТУЛГАМДАЖ БУЙ АСУУДАЛ, ШИЙДВЭРЛЭХ АРГА ЗАМ” ХЭЛЭЛЦҮҮЛЭГ ЗОХИОН БАЙГУУЛЛАА
ИРГЭДИЙН ЭРҮҮЛ МЭНДИЙГ ХАМГААЛАХ, ШҮҮХЭЭС ОНОГДУУЛСАН ЯЛЫН ҮР НӨЛӨӨГ ДЭЭШЛҮҮЛЭХ ЗОРИЛГООР НИЙТИЙН ЭЗЭМШЛИЙН ТАЛБАЙН ШАРИЛЖ УСТГАХ АЖЛЫГ ЭХЛҮҮЛНЭ

ТӨРИЙН ЦЭРГИЙН БОЛОН ХУУЛЬ САХИУЛАХ БАЙГУУЛЛАГУУДЫН АЛБА ХААГЧДЫН ЁС ЗҮЙ, БИЕ БЯЛДРЫН БЭЛТГЭЛЖИЛТИЙН ТҮВШНИЙГ ТОГТООХ ҮЗЛЭГЭЭР ГУРАВДУГААР БАЙРТ ШАЛГАРЛАА
2023-11-13

Шүүхийн шийдвэр гүйцэтгэх ерөнхий газрын харьяа Дорнод аймаг дахь Шүүхийн шийдвэр гүйцэтгэх газрын бие бүрэлдэхүүн Монгол Улсын Ерөнхийлөгч, Зэвсэгт хүчний Ерөнхий командлагчийн нэрэмжит Төрийн цэргийн болон хууль сахиулах байгууллагуудын алба хаагчдын ёс зүй, бие бялдрын бэлтгэлжилтийн түвшин тогтоох үзлэгт амжилттай хамрагдаж, Гуравдугаар байрт шалгарлаа.

Шагналыг Батлан хамгаалахын Ерөнхий хянан шалгагч, бригадын генерал Ж.Болдбаатар өнөөдөр /2023.11.13/ Төрийн ордонд гардууллаа.

Тус үзлэгийг алба хаагчдын ёс зүй, дүрэмч-жагсаалч байдал, сэтгэл зүй, бие бялдрын бэлтгэлжилтийн түвшин, цэргийн сургалт бэлтгэлийн явц, чанар, орчин, өнөөгийн байдлыг бодитоор тогтоож, цаашид цэргийн алба хаагчдад чиглэсэн сургалт бэлтгэлийг сайжруулах арга замыг тодорхойлох зорилгоор гурван үе шаттай зохион байгуулсан юм.

Нэг, хоёрдугаар шатны үзлэгт төрийн цэргийн болон хууль сахиулах байгууллагуудын нийт бие бүрэлдэхүүн, хэлтсийн даргаас дээш албан тушаалтнууд хамрагдсан.

Харин гуравдугаар шатны үзлэгт баруун, зүүн болон төвийн бүсийн анги, байгууллага, салбар, нэгжүүдийг хамруулснаас нэгдсэн дүнгээр Шүүхийн шийдвэр гүйцэтгэх ерөнхий газрын харьяа Дорнод аймаг дахь Шүүхийн шийдвэр гүйцэтгэх газрын бие бүрэлдэхүүн Гуравдугаар байрт шалгарлаа.