Дэлгэрэнгүй

Дэлгэрэнгүй

Шүүхийн шийдвэр гүйцэтгэх байгууллагын ахлагч бүрэлдэхүүний сул орон тоог нөхөх, нөөц бүрдүүлэх зорилгоор “Хорих байгууллагын хамгаалалтын ажилтан” мэргэжил олгох сургалтад хамрагдах хүсэлтэй иргэдийг бүртгэх, сонгон шалгаруулах ажлыг зохион байгуулж байна.

Бүртгэлийг Шүүхийн шийдвэр гүйцэтгэх ерөнхий газар, хотын бүсийн болон орон нутаг дахь харьяа хорих анги, шүүхийн шийдвэр гүйцэтгэх газар, хэлтэс, салбар нэгжүүдэд 2024 оны 12 дугаар сарын 13-ны өдрөөс 2025 оны 02 дугаар сарын 10-ны өдрийг хүртэл хугацаанд явагдана.

Тавигдах ерөнхий шаардлага:

• Шүүхийн шийдвэр гүйцэтгэх байгууллагад ажиллахыг сайн дураар хүссэн, 18 насанд хүрсэн Монгол улсын иргэн байх;
• Монгол хэлний ярианы болон бичгийн чадвартай байх, /Монгол хэл бичгийн дүрэм, үг зүй, найруулга зүйн зохих мэдлэгтэй/;
• Гэмт хэрэг үйлдэж, ял шийтгүүлж байгаагүй;
• Сэтгэцийн өвчин эмгэггүй;
• Бүрэн дунд түүнээс дээш боловсролтой байх;

Тавигдах тусгай шаардлага:

• Бие бялдрын зөв хөгжилтэй, 170 см-ээс доошгүй өндөртэй, 35 хүртэлх насны эрэгтэй, 160 см-ээс доошгүй өндөртэй, 30 хүртэлх насны эмэгтэй.
• Байгууллагад нэн шаардлагатай төрөл мэргэжлийн /эмнэлгийн мэргэжилтэн, цахилгаанчин, радио холбоо, мэдээлэл технологийн инженер, D, E ангиллын жолооч гэх мэт/ албан тушаалд насны хязгаар заахгүй.
• Шүүхийн шийдвэр гүйцэтгэх байгууллагын алба хаагчийн сахилга, ёс зүйг сахиж, тогтвор суурьшилтай, хариуцлагатай ажиллах, нөхцөл байдлыг зөв үнэлж, шийдвэр гаргах, багаар ажиллах, иргэдтэй зөв боловсон харьцах ур чадвар эзэмшсэн, хувийн зохион байгуулалт сайтай, ажлын ачаалал даах чадвартай байх.

Шүүхийн шийдвэр гүйцэтгэх байгууллагад ажиллахыг хүссэн иргэд дээр дурдсан ерөнхий болон тусгай шаардлагыг хангасан тохиолдолд хүсэлт гарган бүртгэл, судалгаанд хамрагдана.

Бүртгэл:

• Орон нутагт байгаа иргэд тухайн нутаг дэвсгэрийн харьяа хорих анги, шүүхийн шийдвэр гүйцэтгэх газарт хүсэлт гаргах;
• Хотын бүсийн иргэд Шүүхийн шийдвэр гүйцэтгэх ерөнхий газар болон харьяа алба, хорих анги, салбар нэгжид холбогдох материалыг бүрдүүлэн өөрийн биеэр ирж бүртгэл, судалгаанд тус тус хамрагдана.

Бүртгэл явагдах хугацаа: 2024.12.13-ны өдрөөс 2025.02.10-ны өдрийг хүртэл бүртгэл явагдана.

Бүрдүүлэх материалын жагсаалт:

• Ажилд орохыг хүссэн өргөдөл /өөрийн гараар бичсэн байх/
• Хувь хүний намтар /Хувь хүний намтар бичих санамжийн дагуу өөрийн болон эцэг /эх/, өвөг эцэг /эмэг эх/-ийн намтар/
• Төрсний бүртгэлийн лавлагаа /e-mongolia/
• Иргэний үнэмлэхийн лавлагаа /e-mongolia/
• Боловсролын үнэмлэх, дипломын хуулбар, лавлагаа /e-mongolia/
• Эрүүл мэндийн үзлэгт орсон хуудас /Нэгдсэн байдлаар зохион байгуулна/
• Оршин суугаа баг, хорооны тодорхойлолт /e-mongolia/
• Урьд ажиллаж байсан байгууллагын ажил байдлын тодорхойлолт /цэргийн байгууллагад ажиллаж байсан бол цолны лавлагаа/
• Төрийн албан хаагчийн анкет (Төрийн албаны зөвлөлийн 2022 оны 600 дугаар тогтоолоор баталсан “Төрийн албан хаагчийн анкет”-ын дагуу бүрэн бичсэн байх)
• Нийгмийн даатгалын болон хөдөлмөрийн дэвтэр, лавлагаа /e-mongolia/
• Цээж зураг /4х6 хэмжээтэй 4 хувь, 3х4 хэмжээтэй 4 хувь/
• Эмнэлгийн мэргэжилтэн мэргэжлийн үйл ажиллагаа эрхлэх зөвшөөрөл
• Цэргийн үүрэгтний үнэмлэхийн хуулбар
• Иргэний эрүүгийн хариуцлага хүлээж байгаа эсэх тухай тодорхойлолт /e-mongolia/
• Иргэний эрүүгийн хариуцлага хүлээж байсан эсэх тодорхойлолт /e-mongolia/
• Шүүхийн шийдвэрээр бусдад өр төлбөргүй эсэх тодорхойлолт /e-mongolia/
• Гэрлэлтийн лавлагаа /e-mongolia/
• Сэтгэцийн эрүүл мэндийн үндэсний төвөөс сэтгэц шалгуулсан хуудас
• Сурагчийн хувийн хэргийн хуулбар

Суралцахыг хүссэн иргэдийн анхаарах зүйлс. Үүнд:

• Шалгаруулалтад орохоор бүртгүүлж байгаа иргэд өөрийнхөө тухай үнэн зөв мэдүүлэх үүрэгтэй бөгөөд шаардлагатай тохиолдолд нэмэлт материалыг гаргуулан авна.

ШҮҮХИЙН ШИЙДВЭР ГҮЙЦЭТГЭХ ЕРӨНХИЙ ГАЗАР

1.Орон нутаг дахь цагдан хорих байрыг үе шаттайгаар шинэчлэх, олон улсын стандартад нийцсэн цагдан хорих, баривчлах байрыг шинээр барьж ашиглалтад оруулна:

Төв аймаг дахь ШШГГ-ын “Нэг цонхны үйлчилгээ бүхий төв, цагдан хорих байр”-ны барилгыг 2024 оны 08 дугаар сарын 12-ны өдрийн ББКД-41/2024 дугаар бүхий комиссын дүгнэлтээр хүлээн авч, бүрэн ашиглалтад оруулсан.

Баянхонгор аймагт байгуулах баруун бүсийн албадан эмчлэх эмнэлгийн барилгын нийт төсөв 7.7 тэрбум төгрөгөөр батлагдаж, Эрүүл мэндийн яамны 2024 оны төсөвт 2.3 тэрбум төгрөг тусгагдсан. Аймгийн Засаг даргын тамгын газрын Хөрөнгө оруулалт, хөгжлийн бодлогын хэлтсээс барилгын ажил гүйцэтгэх тендэр сонгон шалгаруулалтыг 2024 оны 04 дүгээр сарын 23-ны өдөр зарлаж, “Итгэлт тайж” ХХК шалгарч, 2024 оны 08 дугаар сард гэрээг байгуулан барилгын ажлыг эхлүүлж, одоогоор суурийн ажил дуусаад байна.

Өмнөговь аймаг дахь Шүүхийн шийдвэр гүйцэтгэх газрын барилгыг орон нутгийн төсвөөр барихаар зураг төсөл хийгдэж 2024 онд 2.3 тэрбум төгрөгийн санхүүжилтийг шийдвэрлэсэн. Аймгийн 2024 оны худалдан авах ажиллагааны батлагдсан төлөвлөгөөний дагуу Худалдан авах ажиллагааны газраас 2024 онд 2 удаа тендер зарлаж, “Эрхэст Баянговь” ХХК гүйцэтгэгчээр шалгарч, барилгын ажлыг 2024 оны 07 дугаар сарын 08-ны өдрөөс эхлүүлж, өнөөдрийн байдлаар барилгын суурь болон 4 давхар карказын цутгалтыг хийсэн. Барилгын ажлын явц 48 хувьтай байна.

2. “Хорих ял эдлүүлэх орчин, нөхцөлийг хүний эрхийг хангасан түвшинд хүргэх замаар “Сургалт-хүмүүжлийн тусгай байгууллага”-ын цогцолбор барилга, байгууламжийг ашиглалтад оруулах” арга хэмжээний хүрээнд:

Монгол Улсын Их Хурлын 2023 оны 05 дугаар сарын 30-ны өдрийн 39 дүгээр тогтоолоор Монгол Улсын хөгжлийн 2024 оны төлөвлөгөөнд Сургалт, хүмүүжлийн тусгай байгууллагын сургуулийн барилгыг барихад шаардлагатай 6,100,000,000 (зургаан тэрбум нэг зуун сая) төгрөгийг улсын төсөвт суулгасан. 2024 онд 1.8 тэрбум төгрөгийн санхүүжилтийг шийдвэрлүүлэн улсын төсвөөс гаргуулахаар батлуулсан.

Санхүү, үйлдвэр, хөрөнгө оруулалтын газраас 2024 оны 03 дугаар сарын 29-ний өдөр барилгын тендэр зарласан боловч оролцогч орж ирээгүй тул 2 дахь удаагийн тендэрийг 2024 оны 05 дугаар сарын 06-ны өдөр зарлаж, 2024 оны 05 дугаар сарын 29-ний өдөр тендэрийг нээж, тендэрт оролцсон 1 оролцогчийг үнэлгээний хороо хянан үзэж, шалгаруулсан.

Уг тендерт шалгарсан “Барилга эрч” ХХК нь 2024 оны 07 дугаар сарын 20-нд барилга угсралтын ажлын гэрээ байгуулсан бөгөөд гэрээ байгуулснаас хойш сургууль, заалны барилгуудын суурийн нүх ухаж, бетон бэлтгэлийг цутгаж, аяган суурийн 1 дүгээр шатлалын 40 ширхэг, 2 дугаар шатлалын 16 ширхэг хэвийг тус тус бэлтгэсэн. Мөн гүйцэтгэгч компаниас 2024 оны 10 дугаар сарын 21-ний өдрөөс барилгын ажлыг зогсоож, 2025 оны 03 дугаар сарын 15-ны өдрөөс үргэлжлүүлэхээр хүсэлт ирүүлээд байна.

Тус ерөнхий газрын зүгээс гүйцэтгэгч компанид барилгын суурь хөрсийг улирлын хөлдөлтөөс хамгаалах арга хэмжээг авах талаар 2024 оны 11 дүгээр сарын 04-ний өдрийн 06/2790 дүгээр албан бичгээр хүргүүлсэн.

3. Салбарын эрх зүйн шинэтгэлийн хүрээнд:

Монгол улсын Засгийн газрын 2022 оны 345 дугаар тогтоолыг хэрэгжүүлэх ажлын хүрээнд алслагдсан нэгжийн 107 алба хаагчдад 30 сарын үндсэн цалинтай тэнцэх мөнгөн урамшуулалд 2,3 тэрбум төгрөгийг олгосон.

Мөн Шүүхийн шийдвэр гүйцэтгэх ерөнхий газрын даргын 2024 оны 10 дугаар сарын 02-ны өдрийн А/263 дугаар тушаалаар 11 дүгээр сард 11 алба хаагчдад нийт 276,2 сая төгрөгийг олгосон бөгөөд 12 дугаар сард Шүүхийн шийдвэр гүйцэтгэх ерөнхий газрын даргын А/309 дүгээр тушаалаар 4 алба хаагчдад нийт 92,4 сая төгрөгийг олгоно.

4. “Ял шийтгэгдсэн хүнийг нийгэмшүүлэх, суллагдахад бэлтгэх, нийгмээс тусгаарлахгүйгээр ялын бодлогыг хангах” арга хэмжээний хүрээнд:

Шүүхийн шийдвэр гүйцэтгэх ерөнхий газрын даргын 2024 оны 03 дугаар сарын 01-ний өдрийн А/63 дугаар тушаалаар 407, 409, 415, 437, 441, 457 дугаар нээлттэй, хаалттай хорих анги, Өмнөговь, Баян-Өлгий, Дундговь, Завхан, Сэлэнгэ, Дорнод аймаг дахь ШШГГ болон Өмнөговь аймгийн Ханбогд сумын ШШГХ-т “Хоригдлыг суллахад бэлтгэх байр”-ийг шинээр байгуулахад шаардлагатай нийт 198,500,000 төгрөгийг шийдвэрлэсэн.

423 дугаар нээлттэй, хаалттай хорих анги нь 2024 онд дотоод орлогоос 42,825,750 төгрөгийн зардлаар 8*10 буюу 80м2 3 өрөө “Суллагдахад бэлтгэх байр”-ийг шинээр барьж байгуулан 08 дугаар сард ашиглалтад оруулсан. Мөн “Холт интернэшнл” төрийн бус байгууллагатай хамтран ажиллах гэрээ байгуулан удаан хугацааны эргэлт уулзалтаар ирсэн хүүхдүүдийн тав тухтай орчин бүрдүүлэх зорилгоор хүүхдийн өрөөг шинэчлэн тохижуулсан.

409, 441 дүгээр нээлттэй, хаалттай хорих анги нь “Хоригдлыг суллахад бэлтгэх байр”-ийг шинээр ашиглалтад оруулж ажилласан байна.

Төрийн болон төрийн бус байгууллагатай хамтран 4002 хоригдолд сургалт, хүмүүжлийн ажлыг зохион байгуулж, 239 иргэнийг ажлын байранд зуучлан нийгэмд бие даан амьдрах нөхцөл боломжийг бүрдүүлэн ажилласан байна.

5.“Үйлдвэрлэлийг өргөжүүлэх замаар хоригдлын ажлын байрыг нэмэгдүүлж, эдийн засгийн үр ашгийг сайжруулах” арга хэмжээний хүрээнд:

Хорих ангийн үйлдвэрлэлийг өргөжүүлэх, бүтээгдэхүүний нэр төрлийг олшруулах замаар хоригдлын ажлын байрыг нэмэгдүүлж, гэм хорын барагдуулах ажлын хүрээнд:

441 дүгээр нээлттэй хорих ангийг түшиглэсэн өргөст тор сүлждэг болон дөрвөлжин тор нэхэх зориулалттай 2 төрлийн үйлдвэрийг бүрэн ашиглалтад оруулж бүтээгдэхүүн үйлдвэрлэж байна.

433 дугаар хаалттай хорих анги гурилын үйлдвэр байгуулж, 31.7 тн гурил үйлдвэрлэж, хорих анги, байгууллагад хуваарилж, дотооддоо гурилын хэрэгцээг хангаж байна.

6. “Шүүхийн шийдвэр гүйцэтгэх байгууллагын технологийн дэвшлийг инновацад суурилан хөгжүүлэх” арга хэмжээний хүрээнд:

Шүүхийн шийдвэр гүйцэтгэх байгууллагын үндсэн үйл ажиллагаанд хүний нөөцийн программ, иргэний шийдвэр гүйцэтгэх ажиллагааны програм, эрүүгийн шийдвэр гүйцэтгэх ажиллагааны програм, хорихоос өөр төрлийн шийдвэр гүйцэтгэх ажиллагааны программ зэрэг 16 нэр төрлийн программ хангамжийг хөгжүүлэн ашиглаж байна.

Тоон гарын үсгийн гэрчилгээ олгох, сунгах, түр түдгэлзүүлэх, сэргээх, хүчингүй болгох чиг үүргийг зохицуулах тухай хамтран ажиллах гэрээг “Тридум Э-Секьюрити” ХХК-тай 2023.01.17-ны өдөр байгуулсан.

Албаны тоон гарын үсгийн токен төхөөрөмжийн гэрчилгээг нийт 53 удирдах алба хаагчдад шинээр болон шилжүүлэн олгосон.

Албан бичиг солилцооны дундын систем DocX-тай холбогдох зорилгоор ХУР системээр дамжуулан харьяа хорих анги, алба, газар, салбар нэгжүүдийг тоон гарын үсэг ашиглан гэрээ байгуулж, Төрийн болон төрийн бус бусад байгууллагуудтай цахимаар албан бичиг солилцох ажлыг хэвшүүлсэн.

Хорих анги, шийдвэр гүйцэтгэх газар, хэлтэс, салбар нэгжүүдтэй “Zoom” програм ашиглан цахим хурлыг зохион байгуулан ажиллаж байна.

Шүүхийн шийдвэр гүйцэтгэх байгууллага Төрийн үйлчилгээний цахим машин /ТҮЦ/, Төрийн үйлчилгээний нэгдсэн портал www.emongolia.mn цахим хуудаснаас Шүүхийн шийдвэрээр бусдад өр төлбөргүй тухай тодорхойлолт, суллагдсан иргэдийн лавлагааг авах боломжийг бүрдүүлсэн.

Нийтийн мэдээллийн ил тод байдлын тухай хуулийн дагуу иргэд, олон нийт Шүүхийн шийдвэрээр бусдад өр төлбөртэй эсэх тодорхойлолтыг төрийн үйлчилгээний нэгдсэн портал e-mongolia системээр 2024 оны 11 дугаар сарын 25-ны байдлаар 252604 иргэн, үүнээс 8826 иргэн /англи хэлээр/, 8029 аж ахуйн нэгж лавлагаа авсан.

Тайлант хугацаанд хорих, анги байгууллагаас хорих ял эдлээд суллагдсан 13136 иргэдийн мэдээллийн санг Төрийн мэдээлэл солилцооны ХУР системд шилжүүлж, тус лавлагаа, үйлчилгээг Төрийн үйлчилгээний цахим машин /ТҮЦ машин/, Төрийн үйлчилгээний нэгдсэн портал /www.e-mongolia.mn/-д оруулсан бөгөөд нийт 160 иргэн, байгууллага үйлчилгээ авсан байна.

Мөн байгууллага, иргэний гаргасан өргөдөл, гомдлын мэдээллийг Иргэд, олон нийттэй харилцах төвийн www.11-11.mn цахим хуудас, байгууллагын www.cd.gov.mn үндсэн цахим хуудсаар дамжуулан цахимаар авч шийдвэрлэх боломжийг бүрдүүлсэн.

7.Албадан эмчлэх эмнэлгийг бүсчилэн хөгжүүлэх арга хэмжээний хүрээнд:

Албадан эмчлэх эмнэлгийг бүсчилэн хөгжүүлэх ажлын хүрээнд хотын бүсэд Тахир соёотод150 орны багтаамж, хүчин чадал бүхий төрөлжсөн мэргэшлийн эмнэлгийн барилга барих 150 га газрыг шийдвэрлүүлэн, Согтуурах, мансуурах донтой хүнийг албадан эмчлэх төрөлжсөн мэргэшлийн эмнэлгийн барилгын зургийн ажлыг “Некстстеп Инженеринг” ХХК гүйцэтгэж байна.

Баянхонгор аймагт байгуулах баруун бүсийн албадан эмчлэх эмнэлгийн барилгын нийт төсөв 7.7 тэрбум төгрөгөөр батлагдаж, Эрүүл мэндийн яамны 2024 оны төсөвт 2.3 тэрбум төгрөг тусгагдсан.

Баянхонгор аймагт албадан эмчлэх эмнэлгийг барих 39247м² талбай бүхий газрыг шийдвэрлүүлж, улсын бүртгэлд бүртгэн баталгаажуулсан.

Барилгын зураг төслийн ажлыг “Цэс-Да” ХХК-аар гүйцэтгүүлж, “Баянхонгор Эко Дулаан ХХК”-аас халаалт, “Баянхонгор Эрчим хүч” ХХК-аас цахилгааны техникийн нөхцөл, “Чандмань-Баянхонгор” ОНӨҮГ-аас цэвэр бохир усны техникийн нөхцөл, “Мэдээлэл, холбоо, сүлжээ төрийн өмчит компанийн салбар”-аас холбоо дохиоллын техникийн нөхцөлийг тус тус гаргуулсан.

Аймгийн Засаг даргын тамгын газрын Хөрөнгө оруулалт, хөгжлийн бодлогын хэлтсээс барилгын ажил гүйцэтгэх тендэр сонгон шалгаруулалтыг 2024 оны 04 дүгээр сарын 23-ны өдөр зарлаж, “Итгэлт тайж” ХХК шалгарч, 2024 оны 08 дугаар сард гэрээг байгуулан барилгын ажлыг эхлүүлж, одоогоор суурийн ажил дуусаад байна.

---о0о--

4.1. Цахим хөгжлийн нэгдсэн бодлого, төлөвлөлт, удирдлагаар хангаж, төрийн үйлчилгээг шуурхай, хариуцлагатай, хүртээмжтэй хүргэх нөхцөлийг бүрдүүлж, иргэдийн цаг хугацаа, зардлыг хэмнэх арга хэмжээний хүрээнд:

Шүүхийн шийдвэр гүйцэтгэх байгууллага нь Төрийн үйлчилгээний цахим машин /ТҮЦ/, Төрийн үйлчилгээний нэгдсэн портал www.emongolia.mn цахим хуудаснаас Шүүхийн шийдвэрээр бусдад өр төлбөргүй тухай тодорхойлолт, суллагдсан иргэдийн лавлагааг авах боломжийг бүрдүүлсэн.

Нийтийн мэдээллийн ил тод байдлын тухай хуулийн дагуу иргэд, олон нийт Шүүхийн шийдвэрээр бусдад өр төлбөртэй эсэх тодорхойлолтыг төрийн үйлчилгээний нэгдсэн портал e-mongolia системээр 2024 оны 11 дугаар сарын 25-ны байдлаар 252604 иргэн, үүнээс 8826 иргэн /англи хэлээр/, 8029 аж ахуйн нэгж лавлагаа авсан.

Тайлант хугацаанд хорих, анги байгууллагаас хорих ял эдлээд суллагдсан 13136 иргэдийн мэдээллийн санг Төрийн мэдээлэл солилцооны ХУР системд шилжүүлж, тус лавлагаа, үйлчилгээг Төрийн үйлчилгээний цахим машин /ТҮЦ машин/, Төрийн үйлчилгээний нэгдсэн портал /www.e-mongolia.mn/-д оруулсан бөгөөд нийт 160 иргэн, байгууллага үйлчилгээ авсан байна.

Мөн байгууллага, иргэний гаргасан өргөдөл, гомдлын мэдээллийг Иргэд, олон нийттэй харилцах төвийн www.11-11.mn цахим хуудас, байгууллагын www.cd.gov.mn үндсэн цахим хуудсаар дамжуулан цахимаар авч шийдвэрлэх боломжийг бүрдүүлсэн.

2024 оны 11 дугаар сарын 20-ны өдрийн байдлаар 160 иргэн хорих, анги байгууллагаас хорих ял эдлээд суллагдсан иргэний лавлагаа, үйлчилгээг Төрийн үйлчилгээний нэгдсэн портал /www.e-mongolia.mn/-aac үйлчилгээ авсан.

Тайлант хугацаанд www.cd.gov.mn хаягаар нийт 190 өргөдөл, гомдол ирснээс 124 гомдол, 66 хүсэлт хүлээн авч, өргөдөл, гомдлын 173 буюу 91 хувийг шийдвэрлэж хариуг өгч, 23 буюу 8.9 хувь нь хяналтын шатандаа байна.

Нийт өргөдөл, гомдлын 5976 буюу 61.6 хувийг бичгээр, 132 буюу 1.3 хувийг утсаар, 1491 буюу 15.3 хувийг “Иргэд хүлээн авах хуваарь”-ийн дагуу биечлэн, 815 буюу 8.4 хувийг байгууллагын цахим хаягаар, 1287 буюу 13.2 хувийг Засгийн газрын Иргэд олон нийттэй харилцах 11-11 төвөөс дамжуулан хүлээн авсан.

Шүүхийн шийдвэр гүйцэтгэх байгууллагын хэмжээнд хүлээн авсан нийт 9701 өргөдөл, гомдлын 1476 буюу 15.2 хувь нь хорих ял эдлүүлэх ажиллагааны талаар, 4960 буюу 51.1 хувь нь шийдвэр гүйцэтгэх ажиллагааны талаар, 3150 буюу 32.4 хувь нь хүний нөөц, сургалтын чиглэлээр, 115 буюу 1.1 хувь нь хорихоос өөр төрлийн ял эдлүүлэх ажиллагааны чиглэлээр ирүүлсэн өргөдөл, гомдол байна.

2024 оны жилийн эцсийн байдлаар хүлээн авсан нийт өргөдөл гомдлын тоог өмнөх оны мөн үетэй харьцуулбал 1.5 хувиар өссөн үзүүлэлттэй байна.

4.3. Иргэдийн аюулгүй, амар тайван байдлыг хангах арга хэмжээний хүрээнд:

Хорих ялын хугацаа дуусахаас өмнө хоригдлыг нийгэмд гаргахад бэлтгэх, суллагдсаны дараа дахин гэмт хэрэг үйлдэхээс урьдчилан сэргийлэх, суралцах, ажил хөдөлмөр эрхлэх дадал хэвшүүлэх, гэр бүлийн харилцаанд бэлтгэх, нийгэмшүүлэхэд чиглэсэн “Хоригдлыг суллахад бэлтгэх хөтөлбөр”-ийг Дотоод хэргийн их сургуулийн Шүүхийн шийдвэр гүйцэтгэл судлалын төвтэй хамтран боловсруулж, Хөдөлмөр, нийгмийн хамгааллын сайд, Хууль зүй, дотоод хэргийн сайдын 2022 оны 08 дугаар сарын 30-ны өдрийн А/167, А/233 дугаар хамтарсан тушаалаар батлуулсан.

Хоригдлыг суллагдахад бэлтгэх зорилгоор 407, 409, 415, 437, 441, 457 дугаар нээлттэй, хаалттай хорих анги, Өмнөговь, Баян-Өлгий, Дундговь, Завхан, Сэлэнгэ, Дорнод аймаг дахь ШШГГ болон Өмнөговь аймгийн Ханбогд сумын ШШГХ-т “Хоригдлыг суллахад бэлтгэх байр”-ийг барьж бэлтгэн тохижуулж, нийгмийн харилцаа, амьдралд гарахад бэлтгэх, дадлага олгох сургалтыг зохион байгуулж байна. Тухайлбал суллагдахын өмнөх сургалтаар хууль эрх зүйн мэдлэг олгохоос гадна нийгэмд хэрэглэгдэж буй техник технологийг /АТМ, ТҮЦ, ухаалаг утас, автобусны картыг хэрхэн ашиглах, “Нэг цонхны үйлчилгээ”-ний талаар/ танилцуулах үзүүлэн, загвар, гарын авлага, товхимлыг байршуулан сургалтад ашигласан.

Шүүхийн шийдвэр гүйцэтгэх ерөнхий газрын харьяа Цагдан хорих 461 дүгээр хаалттай ангийн хамгаалалтын ажилтан, Олон улсын хэмжээний мастер, дэд ахлагч Б.Марал Исландын Рейкьянесбаер хотноо зохион байгуулагдсан Пауэрлифтингийн дэлхийн аварга шалгаруулах тэмцээний эмэгтэйчүүдийн -84 кг-ын жинд амжилттай оролцож, газраас таталтын төрөлд 220 кг өргөж, хүрэл медаль хүртлээ.

Цол шагналыг Шүүхийн шийдвэр гүйцэтгэх ерөнхий газрын даргын зөвлөлийн гишүүд гардууллаа.

- Хууль зүй, дотоод хэргийн сайдын тушаалаар “Хууль зүйн албаны тэргүүний ажилтан” хүндэт тэмдгээр 14 алба хаагч, “Шүүхийн шийдвэр гүйцэтгэх байгууллагын тэргүүний ажилтан” хүндэт тэмдгээр 72 алба хаагч, “Хүндэт жуух бичиг”-ээр 104 алба хаагч,
- “Хошууч” цолоор 33 алба хаагч, “ахмад” цолоор 52 алба хаагч, “ахлах дэслэгч” цолоор 36 алба хаагчийг, нийт 132 алба хаагч,
- “Хүндэт ажилтан” тэмдгээр 4 алба хаагч, “Хүндэт жуух бичиг”-ээр 2 алба хаагч, “Албаны төлөө I” медалиар 22 алба хаагч, “Салбарын тэргүүний ажилтан” тэмдгээр 20 алба хаагч, “Албаны төлөө II” медалиар 20 алба хаагч, “Хүндэт тэмдэг”-ээр нарын 22 алба хаагч, “Албаны төлөө III” медалиар 36 алба хаагч, “Баярын бичиг”-ээр 74 алба хаагчийг тус тус шагнагдсан.

Шүүхийн шийдвэр гүйцэтгэх ерөнхий газрын тэргүүн дэд дарга, хурандаа А.Намсаманд нийт шагнагдсан алба хаагчдад баяр хүргэж, цаашдын ажилд нь амжилт, амьдралд нь хамгийн сайн сайхан бүхнийг хүслээ.

Өргөтгөлийг түр болон удаан хугацааны эргэлт уулзалтын өрөө, цайны газар, цахим уулзалтын болон утсаар ярих хэсэг, алба хаагчдын өрөө зэрэг зохион байгуулалттайгаар тохижуулжээ.