loader

Шүүхийн шийдвэр гүйцэтгэх ерөнхий газрын тэргүүн дэд дарга, хурандаа Д.Дамдинцэрэн Бригадын генерал цол хүртлээ



Монгол Улсад орчин цагийн Зэвсэгт хүчин үүсч хөгжсөний 100 жилийн ойг тохиолдуулан Монгол Улсын Ерөнхийлөгч, Зэвсэгт хүчний Ерөнхий командлагч Х.Баттулга 2021 оны гуравдугаар сарын 18-ны өдөр Цэргийн дээд цол хүртээх тухай зарлиг гаргалаа.

Цэргийн дээд цол гардуулах ёслолын үйл ажиллагаа өнөөдөр Төрийн ордны Ёслол, хүндэтгэлийн танхимд болж өндөрлөлөө. Энэ үеэр Шүүхийн шийдвэр гүйцэтгэх ерөнхий газрын тэргүүн дэд дарга, хурандаа Д.Дамдинцэрэн “Бригадын генерал” цол хүртсэн баярт үйл явдал боллоо.



Монгол цэргийн түүхэнд аав, хүү хоёр удам залган цэргийн дээд цол хүртсэн хоёр дахь тохиолдол энэ удаад бүртгэгдсэн бөгөөд Шүүхийн шийдвэр гүйцэтгэх ерөнхий газрын тэргүүн дэд дарга, хурандаа Д.Дамдинцэрэнгийн аав  дэслэгч генерал Г.Дамдинсүрэн агсан нь ЗХЖШ-ын дарга, Зүүнбаян дахь дивизийн захирагч, Улсын иргэний хамгаалалтын газрын даргаар ажиллаж байсан юм. Үүнээс өмнө хурандаа генерал Б.Цог, түүний хүү хошууч генерал Ц.Геннадий нар цэргийн дээд цол хүртэж байжээ.

Бригадын генерал Д.Дамдинцэрэн нь  ШШГБ-д  тасралтгүй 34 дэх жилдээ ажиллаж байна.

ШҮҮХИЙН ШИЙДВЭР ГҮЙЦЭТГЭХ ЕРӨНХИЙ ГАЗРЫН ТЭРГҮҮН ДЭД ДАРГА БӨГӨӨД ХОРИХ ЯЛ ЭДЛҮҮЛЭХ АЛБАНЫ ДАРГА, БРИГАДЫН ГЕНЕРАЛ ДАМДИНСҮРЭНГИЙН ДАМДИНЦЭРЭНГИЙН ТОВЧ НАМТАР

 Эцэг /эх/-ийн нэр:                        Дамдинсүрэн

Өөрийн нэр:                                  Дамдинцэрэн
 

Төгссөн сургууль:

1978-1988                           Ерөнхий боловсролын сургууль;

            1988-1992                           НАХЯ-ны Цэргийн дээд сургуулийг эрх зүйчмэргэжлээр;

            2003-2005                           ОХУ-ын ДЯЯ-ны Удирдлагын академийг Төв болон орон

                                 нутгийн захиргааны байгууллагын удирдах ажилтан

                                 мэргэжлээр тус тус төгссөн.                                                                        

                                                         Хууль зүйн ухааны доктор (Ph.D), профессор.

 

Ажилласан байдал:                                

            1992-1994                            Багануур дахь 0427 дугаар хорих ангид төлөөлөгч;

                                                         ЭЦГ-ын ОНБЗБГХТХэлтэст төлөөлөгч;
                                                           

1994-1998                          “Ганц худаг” дахь Цагдан хорих 803 дугаар ангид эрүүгийн төлөөлөгч, ахлах төлөөлөгч;

                                                        Налайх дүүргийн Цагдаагийн хэлтсийн дэд бөгөөд ЭХЭСТасгийн дарга; 

1998-2000                            “Тахир соёот” дахь Хорих 405 дугаар ангид дэд дарга; 

2000-2003                            “Авдрант” дахь Хорих 403 дугаар ангийн дарга; 

2005-2007                             Цагдан хорих 461 дүгээр ангийн дарга; 

2007-2009                             ШШГЕГ-ын Тэргүүн дэд дарга;
                                                          Тогтоол гүйцэтгэх газрын дарга; 

2009-2010                            Нийслэлийн шийдвэр гүйцэтгэх албаны дарга;

2010-2012                             Хорих 401 дүгээр анги-Нэгдсэн эмнэлгийн дарга;
 

2012-2014                             ШШГЕГ-ын дэд дарга бөгөөд Шийдвэр гүйцэтгэх албаны дарга, Улсын ерөнхий гүйцэтгэгч; 

2014-2016                             Цагдан хорих 461 дүгээр ангийн дарга; 

2016-2017                             Хорих 429 дүгээр анги-Төрөлжсөн мэргэшлийн эмнэлгийн дарга; 

2017-2019                             ШШГЕГ-ын дэд дарга бөгөөд Шийдвэр гүйцэтгэх албаны дарга, Улсын ерөнхий гүйцэтгэгч; 

2019                                      ШШГЕГ-ын Тэргүүн дэд дарга бөгөөд Хорих ял эдлүүлэх албаны дарга; 

2019-2020                             ШШГЕГ-ын дарга; 

            2020.07.22-ны өдрөөс         ШШГЕГ-ын Тэргүүн дэд дарга бөгөөд Хорих ял эдлүүлэх албаны даргаар томилогдон ажиллаж байна.

 

Танд туслая

Хандалтын тоолуур

Чухал холбоосууд