Архивын ерөнхий газрын гадна талбайд 3240 ширхэг мод тарилаа

Монгол Улсад орчин цагийн архивын салбар үүсч хөгжсөний 90 жилийн ойг тохиолдуулан ХЗДХ-ийн сайд С.Бямбацогт, ХЗДХЯ-ны харьяа агентлаг, байгууллагын удирдлагууд болон албан хаагчид 2017 оны 05 дугаар сарын 13-ны өдөр Архивын ерөнхий газрын гадна талбайд 3240 ширхэг мод, бут, сөөг тарилаа.

Архивын ерөнхий газрын шинэ байр ашиглалтанд ороод жил гаруйн хугацаа өнгөрч байгаа. Тиймээс Хууль зүй, дотоод хэргийн яам, харьяа, агентлаг байгууллагын удирдлагууд хамтран Архивын ерөнхий газрын тохижилтонд өнгө нэмэх зорилгоор ийнхүү 3240 ширхэг мод тарьсан юм.

Энэхүү үйл ажиллагааны үеэр ХЗДХ-ийн сайд С.Бямбацогт “Мод тарих нэг хэрэг. Тарьсан модоо арчилж, тордож, ургуулна гэдэг түүнээс дутуугүй чухал” гэдгийг тодотгов.

Мод, бут, сөөгийг хэрхэн тарих, арчилж, тордох талаар “Цэвэр агаар-нэг мод” төрийн бус байгууллагын мэргэжлийн хүмүүсээс зөвлөгөө авсан бөгөөд уг төрийн бус байгууллага нь Архивын ерөнхий газрын гадна талбайд тарьсан мод, бут, сөөгийг гурван жилийн хугацаанд арчилж, ургуулах ажлыг хамтран хариуцан ажиллана гэв.

Ингэснээр жил бүр мод тариад эзэнгүй орхидог, арчилж, тордохгүй үхүүлдэг биш мэргэжлийн хүмүүсийн заавар зөвлөгөөний дагуу тодорхой хугацаанд усалдаг, арчилдаг, ургуулдаг болох юм.

arhiv-mod

Scroll To Top