loader

ХСИС-ИЙН ХИЧЭЭЛИЙН ШИНЭ ЖИЛИЙН НЭЭЛТИЙН ҮЙЛ АЖИЛЛАГАА БОЛЛОО

Хууль зүй, дотоод хэргийн сайд С.Бямбацогт болон харьяа агентлаг, байгууллагуудын удирдлагууд өнөөдөр /2017.09.04/ Хууль сахиулахын их сургуулийн 2017-2018 оны хичээлийн шинэ жилийн нээлтийн үйл ажиллагаанд оролцлоо.

 

Хичээлийн шинэ жилийн ёслолын ажиллагааг нээж, С.Бямбацогт сайд хэлсэн үгэндээ “Хууль зүйн шинжлэх ухаан, эрдэм судалгааны энэ их ажлын нэгэн том талбар, эрдмийн их хүрээлэн нь манай Хууль сахиулахын их сургууль юм. Энэ сургуулийн элсэгчид, энэ сургуулийн төгсөгчид Монгол улсад хууль заавал хэрэгждэг, хүн бүрд эрх тэгш, алагчлалгүй, шударга үйлчилдэг байхад тэргүүлэх үүрэгтэй гэдгээ мартаж болохгүй. Та бүхэн хүний эрхийг хүндэтгэн хамгаалах үйлсийн манлайлагчид, шударга ёсны засаглалыг бэхжүүлэх зарчмыг хамгаалагчид байх ёстой. Чанд сахилга бат, дэг журамд суурилсан хүнлэг, иргэндээ ээлтэй, улсдаа түшигтэй, хууль хэлбэрэлтгүй мөрдөгдсөн хуулийн байгууллагыг бэхжүүлэх Монгол төрийн бодлогыг тууштай хэрэгжүүлэхэд Хууль сахиулахын их сургууль онцгой үүрэгтэй гэдгийг энэ сургуулиар овоглосон, хаягласан хэн бүхэн хэзээ ямагт санаж явбал зохино” гэв.
 

 Хууль сахиулахын их сургууль 2017-2018 оны хичээлийн жилд бакалаврын 11 хөтөлбөрт 499, магистрантурын сургалтад 166 иргэн, алба хаагчийг элсүүлэн суралцуулахад бэлэн болсон байна.

 

Түүнчлэн Хууль сахиулахын удирдлагын академид “Хууль сахиулах захиргааны удирдлага” хөтөлбөрөөр гарагийн анги нээсэн нь алба хаагчдад ажиллахын зэрэгцээ суралцах, боловсролын зэргээ ахиулах, практикийн тулгамдсан асуудлыг шийдвэрлэх арга замыг тодорхойлох ач холбогдолтой гэж үзэж байгаа аж.

Төсөөтэй мэдээлэл

Танд туслая

Хандалтын тоолуур

Чухал холбоосууд