ШҮҮХИЙН ШИЙДВЭР ГҮЙЦЭТГЭХ ЕРӨНХИЙ ГАЗАР

Шүүхийн шийдвэр гүйцэтгэх байгууллагын захиалгаар Дотоод хэргийн их сургуулийн Удирдлагын академийн “Хууль сахиулах удирдлага”, “Шүүхийн шийдвэр гүйцэтгэлийн стратеги- тактик удирдлага”-ын хоёр жилийн сургалтын хөтөлбөрт 13 алба хаагч амжилттай хамрагдаж, 2022 оны 03 дугаар сарын 11-ний өдөр магистрын дипломоо гардан авлаа.

         Төгсөгчдийг Шүүхийн шийдвэр гүйцэтгэх ерөнхий газрын тэргүүн дэд дарга, бригадын генерал Д.Дамдинцэрэн, захиргааны удирдлагын газрын дарга, хурандаа Ч.Нэргүй, Дотоод хэргийн их сургуулийн Удирдлагын академийн Шүүхийн шийдвэр гүйцэтгэлийн удирдлага, стратегийн профессорын багийн профессор, хурандаа Б.Батболд нар хүлээн авч уулзан, төгсөгчдийн цаашдын ажилд амжилт хүслээ.